Москва, 10 јануари 2023 (МИА) - Русија планира оваа година да започне сериско производство на својата нова бомба Дрел, која има способност самостојно, користејќи инерција и лизгачка патека до целта, да патува на подолги растојанија и да експлодира во „вистинскиот момент“.

Дрел е дизајнирана да уништува оклопни возила, копнени радарски станици, контролни центри за електрани и противвоздушни ракетни системи.

Воените аналитичари тврдат дека е отпорна и на радарски пречки и детекција, што го отежнува запирањето.

Руски и западни извори велат дека Дрел е тип на касетна бомба, муниција забранета во повеќе од 100 земји.

Украина доби касетни бомби од САД, додека рускиот претседател Владимир Путин претходно изјави дека Русија ќе користи касетна муниција во Украина „ако мора“. паг/