Русија ги одзеде лиценците на две бугарски и една чешка воена фабрика
- Русија ја прекинува важноста на сертификатите издадени на три претпријатија за поправка на авиони - две во Бугарија и едно во Чешка.
![Русија ги одзеде лиценците на две бугарски и една чешка воена фабрика](https://mia.mk/index.php/images/20221113181019_big_730x400_73.webp )
Софија, 14 јули 2022 (МИА) - Русија ја прекинува важноста на сертификатите издадени на три претпријатија за поправка на авиони - две во Бугарија и едно во Чешка.
Станува збор за бугарските „Терем - Летец“ и „Авионамс“, како и за чешкиот „Лом Прага“, пренесува Еуроњуз Бугарија.
Како што јави дописникот на МИА од Софија, според портпаролката на руското Министерство за надворешни работи, Марија Захарова, одлуката на Москва е одговор на испораката на воена опрема за Украина од страна на земјите од НАТО и ЕУ.
Таа додаде дека на компаниите ќе им се одземе правото да вршат одржување и поправка на хеликоптери од руско производство.
Министерот за одбрана на Бугарија во оставка, Драгомир Заков вели дека одлуката на Москва не е изненадување, но се уште не е доставен официјален допис од руска страна. нк/паг/