Букурешт, 14 октомври 2020 (МИА) - Романскиот премиер Лудовик Орбан денеска побара од Министерството за здравство да ги зголеми капацитетите за испитување на Ковид-19 и капацитетите за одговор и ги повика семејните лекари да бидат вклучени во лекувањето на пациентите кои не се хоспитализирани. - Потребно е семејните лекари да се вклучат во различните фази од процесот. Не смее да дојде до точка блокирање на капацитетот на здравствените институции, истакна Орбан. Тој ја наведе и можноста за партнерство со приватните компании со цел да се зголемат капацитетите за тестирање. ми/