Лондон, 6 април 2023 (МИА) - Френк Лампард е именуван за привремен менаџер на Челзи, објави инсајдерот Фабрицио Романо на Твитер. Поранешниот тренер на „Сините“ е под договор до крајот на оваа сезона.

Лампард се согласи на краткорочен договор. Воедно, клубот ќе продолжи со процесот на изнаоѓање нов тренер за долгорочен проект.

Четириесет и четиригодишниот Англичанец раководеше со Челзи од 2019 до 2021 година, по што мина една година во Евертон. Тој е без ангажман од јануари.

На 2 април, Челзи го разреши Потер од функцијата главен тренер на лондонскиот клуб.

По 29 натпревари, Челзи е на 11. место на табелата во Премиер лигата со 39 бодови. зс/

Фото: ЕПА