Родик: Алкараз е комбинација од Ѓоковиќ, Федерер и Надал
- Шампионот на УС Опен од 2003 година, Енди Родик, оцени дека Карлос Алкараз е комбинација на големата тениска тројка Роџер Федерер, Рафаел Надал и Новак Ѓоковиќ.
![Родик: Алкараз е комбинација од Ѓоковиќ, Федерер и Надал](https://mia.mk/index.php/images/20240404094703_big_730x400_73.webp )
Лондон, 4 април 2024 (МИА) – Шампионот на УС Опен од 2003 година, Енди Родик, оцени дека Карлос Алкараз е комбинација на големата тениска тројка Роџер Федерер, Рафаел Надал и Новак Ѓоковиќ.
Според поранешниот американски тенисер, најдобрата верзија на Шпанецот ќе дојде кога нема да има потреба постојано да биде извонреден.
„Мислам дека во нашата генерација играчите сакаа да го гледаат Роџер бидејќи тој беше технички супериорен“, рече Родик (41) на својот поткаст „Сервирај со Енди Родик“.
„Алкараз е речиси комбинација од трите, но тој сè уште го пронаоѓа својот пат. Мислам дека неговата најдобра верзија ќе биде кога ќе користи малку повеќе од Новак во својата игра, кога ќе ги направи работите малку подосадни и не секогаш спектакуларни“. додаде Родик. ег ФОТО: Икс