Реконструкција на ООУ „Гоце Делчев“ во струмичкото село Вељуса
- Во ООУ „Гоце Делчев“ во струмичкото село Вељуса во тек е реконструкција во која Министерството за образование и наука инвестира речиси 40 милиони денари.
![Реконструкција на ООУ „Гоце Делчев“ во струмичкото село Вељуса](https://mia.mk/index.php/images/20221113203336_big_730x400_3.webp )
Скопје, 23 август 2022 (МИА) - Во ООУ „Гоце Делчев“ во струмичкото село Вељуса во тек е реконструкција во која Министерството за образование и наука инвестира речиси 40 милиони денари.
Предвидени се градежни зафати на покривната конструкција, фасадата, санитарните јазли и внатрешниот дел кои, како што информира МОН, ќе обезбедат квалитетен простор за учениците, поголема енергетска ефикасност и противпожарна заштита на објектот, како и изградба на пристапни рампи и посебен тоалет за лицата со попреченост.
-Деновиве започна комплетна реконструкција на училишната зграда, за што МОН инвестира речиси 40 милиони денари и која, согласно договорот со изведувачот, треба да заврши пред стартот на второто полугодие од учебната 2022/2023 година, односно најдоцна до 20 јануари 2023 година. Со оваа инвестиција уште еднаш се потврдува заложбата на МОН за подеднаква посветеност кон сите ученици и наставници, преку вложувања во сите рурални и урбани средини во земјата. Младите заслужуваат квалитетна настава, а наставниците пристојни услови и мотивација за работа, соопшти МОН. хс/дма/
![ОУ „Гоце делчев“ Вељуса](/articles/images/%d1%80%d0%b5%d0%ba%d0%be%d0%bd%d1%81%d1%82%d1%80%d1%83%d0%ba%d1%86%d0%/rrCf7ET3J/placeholder.webp?use_watermark=0)