Штип, 21 ноември 2024 (МИА) - Пуштена во употреба новата реконструирана спортска сала во населбата Стар Караорман во Штип. Градоначалникот на Општина Штип, Иван Јорданов денеска истакна дека салата ќе ја користат учениците од подрачното училиште, најмладите генерации, како и жителите од населбата. Тој истакна дека овој објект бил запоставен, но, општината успеа да го реконструира и стави во функција. Реконструкцијата на салата е финансиран од општестено одговорни компании, со цел младите добијат соодветни услови.

- Верувам дека објектот кој што беше запоставен, руиниран, успеавме да го ставеме во функција во насока на спортување, рекрација на најмладите од оваа населба во еден вид на спортска сала, која што ќе овозможи не само учениците, туку и жителите во месеците кога е врнежливо и има пониски температури да спортуваат и рекреираат. Заедно со советниците сме овде за да официјално ја ставиме во употреба, овде се и учениците од подрачното училиште, рече Јорданов.

Посочи дека во следниот период ќе се продолжи со проекти во сите населби, каде што има потреба од вакви содржини за правилен раст и развој на најмладите. вдј/сст/

Фото: МИА