Регионален форум „Човекови права и пристап до информации”
- Во рамки на регионалниот проект „Поттикнување на регионална соработка и одговори на ниво на политики во време на криза“, денеска ќе се одржи онлајн регионален форум „Човекови права и пристап
![Регионален форум „Човекови права и пристап до информации”](https://mia.mk/index.php/images/20221113180401_big_730x400_64.webp )
Скопје, 14 јули 2022 (МИА) - Во рамки на регионалниот проект „Поттикнување на регионална соработка и одговори на ниво на политики во време на криза“, денеска ќе се одржи онлајн регионален форум „Човекови права и пристап до информации”.
Форумот има за цел да даде преглед и да ја истакне важноста на улогата на човековите права и пристапот до информации за време на пандемии, истакнувајќи ги правните аспекти за овозможување на такви активности, како и споделување на најдобри практики на ГО поврзани со темата.
Овој форум е организиран во рамки на регионалниот проект „Поттикнување на регионална соработка и одговори на ниво на политики во време на криза“ спроведуван од Партнерс Албанија за промени и развој, Македонски центар за меѓународна соработка, Центар за граѓански иницијативи, Центар за развој на невладини организации, Граѓански иницијативи и Фондација за граѓанско општество на Косово. Проектот е финансиран од Balkan Trust for Democracy, проект на German Marshall Fund of the United States и УСАИД.
На форумот се очекува да учествуваат претставници на граѓанските организации, јавните институции, приватниот сектор, донаторите, академската заедница и медиумите од регионот. цр/мд/