Реал подготвен да плати над 120 милиони евра за Белингем
- Реал Мадрид работи на трансферот на Џуд Белингам од Борусија Дортмунд.
![Реал подготвен да плати над 120 милиони евра за Белингем](https://mia.mk/index.php/images/20230105191209_big_730x400_28.webp )
Мадрид, 5 јануари 2023 (МИА) - Реал Мадрид работи на трансферот на Џуд Белингам од Борусија Дортмунд.
Според „Marca“, мадридскиот клуб е подготвен да плати повеќе од 120 милиони евра за играчот од средниот ред. Се истакнува дека потписот на Англичанецот го советувал скаутот Хуни Калафат, со чие учество биле организирани трансферите на Каземиро, Феде Валверде, Винисиус Жуниор, Родриго Гоес и други играчи на Реал Мадрид.
Реал Мадрид смета дека во случајот со Белингем дополнителните 10 милиони евра бонуси се незначителен детал, бидејќи станува збор за еден од најталентираните млади играчи во светот.
Челниците на Реал Мадрид веруваат дека се ќе зависи од изборот на Џуд. Затоа, газдите на мадридскиот клуб постојано се во контакт со играчот и зборуваат за придобивките од нивниот проект. Конкретно, Реал Мадрид ги спомена примерите на Винисиус Жуниор, Феде Валверде, Аурелиен Чоамени и Родриго Гоес, кои по преселбата во Реал Мадрид се меѓу 15-те најдобри играчи во светот по вредност.
Друг важен фактор за Белингем е можноста да игра покрај Лука Модриќ и Тони Крос.
Реал Мадрид е оптимист за моменталната ситуација, бидејќи знае дека Белингем навистина не сака да се врати во Англија. Во овој поглед, можната конкуренција од Ливерпул или Манчестер сити не ги загрижува многу Мадрид.
Оваа сезона играчот од средниот ред има девет гола и три асистенции на 22 натпревари за Борусија во сите натпреварувања. Тој постигна еден гол и една асистенција на пет натпревари за Англија на Светското првенство 2022 година. зс/