Скопје, 1 јуни 2025

СДС и Филипче ја уништија надежта на младите, немаат кредибилитет да зборуваат за младите.

СДС и Филипче, им ветија на младите нов студентски град и нови студентски домови, а не добија ништо.

СДС и Филипче, им ветија на младите дека ќе ги вратат заминатите од странство, а не успеаја.

СДС и Филипче, ветуваа реформи во образованието, а не успеаја да обезбедат книги за учениците, добивме пад на Шангајската листа на УКИМ и единствен успех им беше укинување на екстерно.

СДС и Филипче, ветуваа стартап село, а не добивме ништо од ова.

СДС и Филипче, ветуваа покачени стипендии, за на крај да не ни исплаќаат стипендии, а за најдобрите студенти и ги укинаа.

СДС и Филипче, секојдневно ги лажат младите кои очигледно не им веруваат.

Затоа, Владата предводена од ВМРО-ДПМНЕ, се грижи за младите со новиот оперативен план вреден 40 милиони евра, се ставаат во план младите до 29 години, реконструкцијата на студентските домови до 2026 година – проект вреден 17 милиони евра, ваучери од 250 евра за секој студент за нов електронски уред, како и помош до 30000 евра за стартап за младите до 29 години, студентски оброк ќе добијат и постдипломците и студентите на интегрирани студии од државните и приватните универзитети, а зголемен е студентскиот стандард во споредба со 2024 година за 18%, додека пак ученичкиот за 12%.

Ова е разликата помеѓу оние кои работат за младите и оние кои зборуваат напразно.

 Филипче, симболот на моралната катастрофа на СДС, последен има право да зборува за визија

Кога Венко Филипче, човекот што стана синоним за молк во време на трагедии и скандали, се обидува да зборува за „вистинскиот пат“, граѓаните со право прашуваат, дали овој човек всушност мисли на патот кон бегство од одговорност?

Ова е истиот Филипче кој за време на својот мандат дозволи луѓе да изгорат живи во модуларната болница во Тетово, без да поднесе оставка, без да даде одговор и без срам. Истиот Филипче под чија капа исчезнаа милиони евра преку набавки на респиратори, монтажни болници и маски по сомнителни цени. Истиот што молчеше кога Македонија бележеше црни рекорди во ковид-смртност, а граѓаните сами се снаоѓаа за лекови и боци со кислород.

Сега, истиот тој ни зборува за „изолација“ и „визијата на СДС“? Македонија беше изолирана токму поради вашите неспособни, корумпирани и антинационални политики, од понижувањата во преговорите со Бугарија, до запирањето на европската интеграција, разорената економија и масовното иселување.

Граѓаните веќе решија: Ја вратија државата назад од вас и ја ставија на патот на обновата и достоинството. Доволно ви беше. СДС загуби со 200.000 разлика, а Венко Филипче сега зборува за доверба?!

 
Центар за комуникации на ВМРО-ДПМНЕ

Фото: МИА архива

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.