Реакција на ВМРО-ДПМНЕ по изборот на Данела Арсовска за нов претседател на Нова Алтернатива
- Од сите вести за формирање на партијата на Данела Арсовска главна вест секаде е присуството на Миле Зечевиќ, кој е и идеен творец на таа партија. Оттука може да се сфати колку всушност тежи таа партија кога главна вест за нејзиното формирање е присуство на секретарот на СДС.
![Реакција на ВМРО-ДПМНЕ по изборот на Данела Арсовска за нов претседател на Нова Алтернатива](https://mia.mk/index.php/images/20240117201210_big_730x400_73.webp )
Скопје, 17 јануари 2024
Од сите вести за формирање на партијата на Данела Арсовска главна вест секаде е присуството на Миле Зечевиќ, кој е и идеен творец на таа партија. Оттука може да се сфати колку всушност тежи таа партија кога главна вест за нејзиното формирање е присуство на секретарот на СДС.
Воедно е јасно дека Арсовска само преку превара може да стане лидер на партија.
Во салата освен Зечевиќ, можеше да се забележи градската администрација на Скопје, директорите на јавните претпријатија чиј шеф е Арсовска, градоначапникот во сенка и пријател на Арсовска, Драги Книга, како и редовните самопрогласени медиумски чувари на столчето на Љупчо Палевски и маши на Зечевиќ, со партии зад себе повеќе од прстите на двете дланки.
Тајната коалиција СДС-Арсовска стана јавна.
Проектот на СДС и Зечевиќ ке доживее дебакл, зошто јасна е намерата.
Добро би било наместо висока политика за почеток почне да го решава хаосот во Скопје. Колку за промена, но за жал и за тоа не ја бива.
Центар за комуникации на ВМРО-ДПМНЕ
————————————————————————————————————————
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
Фото: МИА Архива