Расел пред стартот на новата сезона во Ф1: Ред Бул е чекор пред другите
- „Ред Бул е фаворит и дефинитивно е чекор пред сите други. Тоа се очекуваше“, изјави денеска Расел за британскиот сервис Би-Би-Си.
![Расел пред стартот на новата сезона во Ф1: Ред Бул е чекор пред другите](https://mia.mk/index.php/images/20240222212806_big_730x400_20.webp )
Лондон, 22 февруари 2024 (МИА) – Возачот на Мерцедес, Џорџ Расел, истакна пред претстојниот старт на новата сезона во Формула 1 дека Ред Бул е најголем фаворит за титулата.
Возачот на ферари, Карлос Сајнц беше најбрз денеска на вториот ден од тестирањата во Бахреин и оствари подобар резултат од актуелниот шампион Макс Ферстапен од Ред Бул, кој беше најбрз во средата.
Расел, меѓутоа, го пофали Ред Бул и актуелните шампиони ги нарече „импресивна екипа“.
„Ред Бул е фаворит и дефинитивно е чекор пред сите други. Тоа се очекуваше“, изјави денеска Расел за британскиот сервис Би-Би-Си.
Последниот, трет, ден од тестирањата на патеката во Лусаил е в петок пред стартот на новата Ф1 сезона, на 2 март за Големата награда на Бахреин. ег ФОТО: Икс