Разговор на Борел и Блинкен за стратешкото партнерство меѓу ЕУ и САД
- Министерот за надворешни работи на ЕУ, Жозеп Борел вчера разговараше со новиот државен секретар на САД, Ентони Блинкен, за стратешкото партнерство меѓу ЕУ и САД, соопшти Европската дипломатск
![Разговор на Борел и Блинкен за стратешкото партнерство меѓу ЕУ и САД](https://mia.mk/index.php/images/20231019222620_big_730x400_61.webp )
Брисел, 29 јануари 2021 (МИА) - Министерот за надворешни работи на ЕУ, Жозеп Борел вчера разговараше со новиот државен секретар на САД, Ентони Блинкен, за стратешкото партнерство меѓу ЕУ и САД, соопшти Европската дипломатска служба.
Како што се наведува во соопштението, двајцата високи претставници разговарале за важноста од обновување на стратешкото партнерство ЕУ-САД со цел заедничко решавање на итните глобални предизвици.
Се додава дека Борел и Блинкен се согласиле да работат заедно за зајакнување на мултилатерализмот и глобалниот систем заснован на правила и заклучиле дека овој напор е олеснет со враќањето на САД во Парискиот договор и Светската здравствена организација.
Борел го покани Блинкен да присуствува на состанокот на Советот за надворешни работи на ЕУ што е можно поскоро, се додава во соопштението. паг/