Москва, 10 декември 2024 (МИА) – Рускиот претседател Владимир Путин денеска изјави дека Русија не ја заострува својата нуклеарна доктрина, туку ја унапредува.

- Вие зборувавте за заострување на нуклеарната доктрина, ние не ја заоструваме нуклеарната доктрина, туку ја унапредуваме, рече Путин на состанокот на Советот за развој на граѓанското општество и човековите права, реагирајќи на зборовите на еден од учесниците.

Тој додаде дека Русија треба да го подобри ракетниот систем Орешник.

Путин денеска во Кремљ се сретна и со индискиот министер за одбрана Рајнат Синг, соопшти портпаролот на Кремљ Дмитриј Песков.

Синг пристигна во Русија на 8 декември, а веќе следниот ден присуствуваше на церемонија на предавање на фрегатата Тушил на индиската морнарица во бродоградилиштето Јантар во Калининград. Денеска тој се сретна и со рускиот министер за одбрана Андреј Белоусов. јт/

Фото: ЕПА