Проштална средба на министерот Муцунски со францускиот амбасадор Бомгартнер
- Министерот за надворешни работи и надворешна трговија Тимчо Муцунски денеска имаше проштална средба со францускиот амбасадор Сирил Бомгартнер.
![Проштална средба на министерот Муцунски со францускиот амбасадор Бомгартнер](https://mia.mk/index.php/images/20240822132921_big_730x400_4.webp )
Скопје, 22 август 2024 (МИА) - Министерот за надворешни работи и надворешна трговија Тимчо Муцунски денеска имаше проштална средба со францускиот амбасадор Сирил Бомгартнер.
На средбата, како што информира Министерството за надворешни работи и надворешна трговија, Муцунски се заблагодарил за придонесот на амбасадорот Бомгартнер во развојот на билатералните односи и соработката за време на неговиот дипломатски мандат во земјава.
- Заеднички беше потврдено задоволство од динамичниот и континуиран политички дијалог помеѓу двете држави и нагласена потребата за ставање посебен фокус на развојот на економската и трговската соработка во претстојниот период, се вели во соопштението.
На средбата, како што се наведува, биле разменети мислења и за реформските процеси во земјава и тековниот пристапен процес, а во тој контекст министерот Муцунски уште еднаш се заблагодарил на поддршката и помошта од Француската Република на евроинтеграцискиот пат на државата. мд/бак/
Фото: Министерство за надворешни работи и надворешна трговија