Проруските власти во регионот Херсон почнаа со евакуација на цивили
- Според заменик - шефот на руската администрација во регионот, Кирил Стремоусов, во блиска иднина ќе почне битката за Херсон
![Проруските власти во регионот Херсон почнаа со евакуација на цивили](https://mia.mk/index.php/images/20221114010135_big_730x400_42.webp )
Москва, 19 октомври 2022 (МИА) - Претставници на про-Кремљ во руско контролираниот регион Херсон во јужниот дел на Украина, денеска соопштија дека започнале со евакуација на цивили од главниот град, додека украинските сили напредуваат кон југ.
Руската телевизија Росија 24 прикажа фотографии од лица како чекаат да бидат префрлени преку реката.
Властите во областа Херсон планираат привремено да преселат меѓу 50.000 и 60.000 лица од десниот брег на реката Дњепар на левиот или во други руски региони, изјави вршителот на должноста гувернер Владимир Салдо.
Според заменик - шефот на руската администрација во регионот, Кирил Стремоусов, во блиска иднина ќе почне битката за Херсон. бд/