Приведен кавадарчанец кај кого биле пронајдени примероци од заштитени птици
- Полициски службеници вчера во 15.20 часот го лишиле од слобода Р.Ѓ., на возраст од 61 година, од Кавадарци, по претходно добиено известување од Државен инспекторат за шумарство и ловство, за држење и чување примероци од заштитени птици, информираат денеска од СВР Велес.
![Приведен кавадарчанец кај кого биле пронајдени примероци од заштитени птици](https://mia.mk/index.php/images/20231223124242_big_730x400_20.webp )
Кавадарци, 23 декември 2023 (МИА) - Полициски службеници вчера во 15.20 часот го лишиле од слобода Р.Ѓ., на возраст од 61 година, од Кавадарци, по претходно добиено известување од Државен инспекторат за шумарство и ловство, за држење и чување примероци од заштитени птици, информираат денеска од СВР Велес.
- Полициските службеници кај Р.Г. пронашле примероци на заштитени птици од видот „штиглец“ и „зеленки“, кои се одземени и предадени на Државен инспекторат за шумарство и ловство. Лицето е приведено во полициска станица и по документирање на случајот, против него ќе биде поднесена соодветна пријава, појаснуваат од СВР Велес.
Рано изутрина во 3.35 часот, пак, во полициска станица во Неготино бил пријавен пожар на куќа.
-Од страна на полициски службеници се излегло на лице место. Пожарот бил изгаснат од Територијална противпожарна единица Неготино, а повредени лица нема. Увид на лице место ќе се изврши во текот на денот, информираат од СВР Велес. свд/хс/
Фото: МИА архива