Приведен Грузиец поради нудење поткуп
- Како што соопшти денеска МВР, тој на граничниот премин дошол со патничко возило „киа“ со грузиски регистарски ознаки, а во приложените документи за пасошка контрола ставил банкнота од 20 евра.
![Приведен Грузиец поради нудење поткуп](https://mia.mk/index.php/images/20240310111650_big_730x400_19.webp )
Скопје, 10 март 2024 (МИА) - На граничниот премин Табановце, на влез во државата, вчера во 15:55 часот, полициски службеници го лишиле од слобода Р.Ш. (39) од Грузија поради сторено кривично дело нудење поткуп.
Како што соопшти денеска МВР, тој на граничниот премин дошол со патничко возило „киа“ со грузиски регистарски ознаки, а во приложените документи за пасошка контрола ставил банкнота од 20 евра.
Р.Ш. е лишен од слобода, а утврдено е и дека зелениот картон што го приложил е фалсификуван. По документирање на случајот, ќе биде поднесен соодветен поднесок. дма/мч/
Фото:МИА архива