Приведениот американски војник во Русија призна вина
- Американскиот војник Гордон Блек, кој е во притвор во Русија, се изјасни за виновен за кражба и соработува со истрагата, соопшти неименуван претставник на руското Министерство за внатрешни работи
![Приведениот американски војник во Русија призна вина](https://mia.mk/index.php/images/20240516085609_big_730x400_65.webp )
Москва, 16 мај 2024 (МИА) – Американскиот војник Гордон Блек, кој е во притвор во Русија, се изјасни за виновен за кражба и соработува со истрагата, соопшти неименуван претставник на руското Министерство за внатрешни работи.
Блек е приведен на 2 мај од полицијата во рускиот град Владивосток. Американецот е приведен под сомнение дека крадел од жена со која бил во интимна врска.
Судот му одреди на Блек притвор до 2 јули.
САД ги предупредуваат своите граѓани да не патуваат во Русија поради повеќе причини, а една од нив е потенцијалното вознемирување и ризикот од притвор во комбинација со произволно спроведување на законот од страна на руските власти. ми/
фото: МИА архива