Претседателката Сиљановска Давкова прими претставници на Националниот сојуз на слепи
- Претседателката на државата Гордана Сиљановска Давкова денеска примила делегација од Националниот сојуз на слепи на Република Северна Македонија, во чиј состав биле Жарко Селковски, претседател и Ирена Бојмалиева и Лупчо Ваневски, членови на сојузот.
![Претседателката Сиљановска Давкова прими претставници на Националниот сојуз на слепи](https://mia.mk/index.php/images/20240708143248_big_730x400_59.webp )
Скопје, 8 јули 2024 (МИА) - Претседателката на државата Гордана Сиљановска Давкова денеска примила делегација од Националниот сојуз на слепи на Република Северна Македонија, во чиј состав биле Жарко Селковски, претседател и Ирена Бојмалиева и Лупчо Ваневски, членови на сојузот.
На средбата, соопштија од кабинетот на Сиљановска Давкова, претставниците на Националниот сојуз на информирале за нивните тековни активности, како и за нивните идни ангажмани во насока на заштита на правата на лицата со оштетен вид и нивна инклузија во сите сегменти на македонското општество.
- Претставниците на сојузот посочија дека обединуваат над 2600 лица со целосно или делумно оштетен вид на територијата на целата држава и истакнаа дека Националниот сојуз на слепи е член на неколку меѓународни организации, меѓу кои се Балканскиот консултативен комитет, Европскиот и Светскиот сојуз на слепи, се наведува во соопштението.
Претседателката Сиљановска Давкова порачала дека само преку тесна соработка меѓу сојузот и релевантните државни институции ќе се подигне свеста за унапредување на правата на лицата со оштетен вид.
- Соговорниците се согласија дека е неопходно да се подобри животниот стандард на овие лица, како и да им се олесни пристапноста до соодветно образование, здравство, култура и спорт, стои во соопштението. цр/ац/
Фото: Кабинет на претседателката на државата Гордана Сиљановска Давкова