Претседателката на Судскиот совет Црвенковска се сретна со холандскиот амбасадор Коп
Скопје, 18 март 2022 (МИА) - Претседателката на Судскиот совет Павлина Црвенковска оствари работенсостанок со амбасадорот на Кралството Холандија во земјава Дирк Јан Коп.
На средбата, како што соопшти Судскиот совет, беше истакнато дека холандската влада ќе продолжи со поддршка на проекти посветени на реформите во судството кои, според соговорниците, веќе даваат резултати.Амбасадорот Коп нагласи дека назначувањето и разрешувањето на судиите треба да се одвива на транспарентен и фер начин, врз основа на заслуги и во целосна согласност со законите, со што ќе се отстранат сомнежите за какви било влијанија врз носењето на одлуките, а ќе се пополнат и испразнетите судиски места. мд/дма/
