Премиерот на Црна Гора најави 40 отсто вакцинирани до крајот на 2021 година
- Во Црна Гора има 515 нови случаи на коронавирусот, а осум лица починале како последица на болеста, соопшти Институтот за јавно здравје.
![Премиерот на Црна Гора најави 40 отсто вакцинирани до крајот на 2021 година](https://mia.mk/index.php/images/20221108212853_big_730x400_77.webp )
Подгорица, 29 октомври 2021 (МИА) - Во Црна Гора има 515 нови случаи на коронавирусот, а осум лица починале како последица на болеста, соопшти Институтот за јавно здравје.
Во моментов има 4.465 активни случаи на Ковид-19, најмногу во Подгорица 1.955 и Никшиќ 689.
Првата доза од вакцината против коронавирус ја примиле 41,4 отсто од населението, а втората 39,1 отсто.
Вкупниот број на вакцинирани во Црна Гора ќе биде колку што е поставена целта на Светската здравствена организација - 40 отсто од населението во секоја земја до крајот на 2021 година, изјави денеска премиерот на Црна Гора Здравко Кривокапиќ.
Министерството за здравство соопшти дека имунизацијата со руската вакцина Спутник В започна денеска, чиј контингент од 40.000 дози беше испорачан на 15 октомври.
Од почетокот на епидемијата, во Црна Гора се регистрирани 143.322 случаи на инфекција, а починале 2.095 лица од последици од Ковид-19. ссм/