Премиерот назначен од хунтата во Нигер верува дека во рок од неколку дена неговата земја ќе постигне разбирање со ЕКОВАС
- Не ја прекинавме комуникацијата со ЕКОВАС. Се надеваме дека ќе постигнеме разбирање со неа во рок од неколку дена, истакна Али Махаман Ламин Зеин на прес-конференција во Нијамеј.
![Премиерот назначен од хунтата во Нигер верува дека во рок од неколку дена неговата земја ќе постигне разбирање со ЕКОВАС](https://mia.mk/index.php/images/20230904201858_big_730x400_90.webp )
Нијамеј, 4 септември 2023 (МИА) - Премиерот назначен од воената хунта која изврши државен удар во Нигер, увери дека за неколку дена неговата земја ќе постигне разбирање со Западноафриканската економска заедница (ЕКОВАС), пренесоа француските медиуми.
-Не ја прекинавме комуникацијата со ЕКОВАС. Се надеваме дека ќе постигнеме разбирање со неа во рок од неколку дена, истакна Али Махаман Ламин Зеин на прес-конференција во Нијамеј.
Од државниот удар во Нигер на 26 јули, ЕКОВАС одржува конзистентен став против хунтата, барајќи враќање на уставниот поредок и ослободување и враќање на соборениот претседател Мохамед Базум.
Организацијата, исто така, се закани со воена интервенција и воведе сериозни економски санкции за Нигер.
-Во секој момент очекуваме да бидеме нападнати. Сите мерки против тоа се преземени. Тоа би била неправедна војна. Ние сме решени да се браниме доколку има напад, нагласи премиерот Зеин. мс/
фото: МИА архива