Почнува Скопскиот економски и финансиски форум, главен говорник нобеловецот Пол Кругман
- „Одржување на растот во времиња на неизвесност и потоа“ е темата на годинашниот Скопски економски и финансиски форум – СЕФФ, што се одржува денеска и утре, во организација на Министерството з
![Почнува Скопскиот економски и финансиски форум, главен говорник нобеловецот Пол Кругман](https://mia.mk/index.php/images/20221113144141_big_730x400_15.webp )
Скопје, 30 мај 2022(МИА) - „Одржување на растот во времиња на неизвесност и потоа“ е темата на годинашниот Скопски економски и финансиски форум – СЕФФ, што се одржува денеска и утре, во организација на Министерството за финансии.
Главен говорник на СЕФФ 2022 ќе биде добитникот на Нобелова награда за економија, американскиот професор Пол Кругман. Неговото учество е обезбедено во соработка со Американската стопанска комора во Северна Македонија - АмЧам.
За предизвиците во постпандемискиот период и градењето на поотпорна економија, ќе говорат и премиерот Димитар Ковачевски, министерот за финансии Фатмир Бесими, потпретседателката на Светска банка за Европа Ана Бјерде, еврокомесарот Јоханес Хан, како и експерти и функционери од земјава и регионот.
Дводневната дебата на СЕФФ ќе се фокусира на четири столба: „Макроекономски предизвици во турбулентни времиња“, „Отпорност, конкурентност и регионална соработка“, „Енергија, зелена транзиција и инфраструктура“, „После кризата - двигатели за одржлив раст“.
Скопскиот економски и финансиски форум (СЕФФ) е иницијатива на Министерството за финансии чија цел е да овозможи дебата за јавните политики на теми релевантни за Република Северна Македонија и за Југоисточна Европа, преку годишни конференции, повремени семинари и портал за анализи и коментари.
Форумот да ја поттикне синергијата на идеи и иницијативи на креаторите на политиките, политичките претставници, меѓународните партнери за развој, граѓанското општество, академската јавност, бизнис-секторот и другите експерти и засегнати страни за подобрување на политичкиот дијалог на економски и финансиски теми со национален и регионален опфат. ир/са/
![СЕФФ Пол Кругман](/articles/images/%d0%bf%d0%be%d1%87%d0%bd%d1%83%d0%b2%d0%b0-%d1%81%d0%ba%d0%be%d0%bf%d1/owPF6aolY/placeholder.webp?use_watermark=0)
![СЕФФ 1](/articles/images/%d0%bf%d0%be%d1%87%d0%bd%d1%83%d0%b2%d0%b0-%d1%81%d0%ba%d0%be%d0%bf%d1/lwHPlKLWp/placeholder.webp?use_watermark=0)