Почна изградба на канализациска мрежа во кумановското село Провеце
- Почна изградбата на фекална канализација на улицата од село Проевце кон градот Куманово, информираа денеска надлежните од одделението за комунални дејности.
![Почна изградба на канализациска мрежа во кумановското село Провеце](https://mia.mk/index.php/images/20221113235049_big_730x400_91.webp )
Куманово, 5 октомври 2022 (МИА) - Почна изградбата на фекална канализација на улицата од село Проевце кон градот Куманово, информираа денеска надлежните од одделението за комунални дејности.
Жителите на ова населено место досега немаа мрежа и бараа изградба за да се решат нивните основни инфраструктурни потреби.
- Канализациската мрежа ја гради скопската компанија друштво за производство, промет, градежништво, транспорт и услуги „КОП-ИНЖЕНЕРИНГ“ ДООЕЛ увоз-извоз Скопје. За изградба на мрежата одвоени се 3.388.259 денари со вклучен данок на додадена вредност. Механизацијата веќе е на терен, активностите се во тек, изјави помошникот раководител на одделението, Момчило Јовановски.
Проевце е на само два километри до градот, непосредно до урбаната средина. Жителите со години бараа поставување на мрежа и решавање на основни инфраструктурни прашања. ам/цр
![310003927_653202629498944_1228251580437700731_n](/articles/images/%d0%bf%d0%be%d1%87%d0%bd%d0%b0-%d0%b8%d0%b7%d0%b3%d1%80%d0%b0%d0%b4%d0/aYgo9wqOk/placeholder.webp?use_watermark=0)
![310194321_653202579498949_8717050487139979127_n](/articles/images/%d0%bf%d0%be%d1%87%d0%bd%d0%b0-%d0%b8%d0%b7%d0%b3%d1%80%d0%b0%d0%b4%d0/2PN3l6oTH/placeholder.webp?use_watermark=0)
![310194321_653202579498949_8717050487139979127_n](/articles/images/%d0%bf%d0%be%d1%87%d0%bd%d0%b0-%d0%b8%d0%b7%d0%b3%d1%80%d0%b0%d0%b4%d0/ApmzAYQXe/placeholder.webp?use_watermark=0)