Почина српската писателка Исидора Бјелица
- Српската писателка Исидора Бјелица почина денеска на 52-годишна возраст, по долгогодишната битка со ракот.
![Почина српската писателка Исидора Бјелица](https://mia.mk/index.php/images/20221104164455_big_730x400_1.webp )
Скопје, 5 август 2020 (МИА) - Српската писателка Исидора Бјелица почина денеска на 52-годишна возраст, по долгогодишната битка со ракот.
Веста за српските медиуми ја потврди издавачката куќа „Лагуна“.
Исидора Бјелица е родена на 10 декември 1967 година каде и завршила гимназија, а потоа дипломирала на Факултетот за драмски уметности во Белград, отсек драматургија, и магистрирала со тезата „Технотрилер како современ облик на трагедија“.
Авторка е на над 40 книги посветени на различни генерации, а освен тоа пишувала и повеќе театарски текстови и радио драми.
Режисерка е на филмот „Дорќол-Менхетн“, а во театар ја режираше „Сарајка во Белград“ и комедијата на својот сопруг, Небојша Пајкиќ, „Мархатана“.
Како телевизиски автор работеше на неколку проекти, од тоа „Клот-Фркет“ на БК телевизија и БН телевизија и „Љубовниот водич на Исидора“ на телевизијата Метрополис.
Бјелица долги години се бореше со болеста, за којашто често пишуваше во своите книги, но и за што често говореше во јавноста. нд/сп/