Лондон, 9 јануари 2025 (МИА) – Новиот тренер на Вест Хем, Греам Потер одговори на прашање зошто се одлучил да раководи со премиерлигашот од Стратфорд, источен Лондон.

Договорот на 46-годишниот тренер со „чеканите“ е на две и пол години.

- Имаше многу различни фактори. Тоа е историја, традиција, семејна атмосфера и неверојатно лојални и страсни фанови. Тие имаат возбудлив тим и брилијантна академија која произведува добри млади играчи со кои сакам да се сретнам и да работам. Бев трпелив со причина, ја чекав вистинската прилика. Едноставно почувствував дека тоа е вистинскиот избор за мене, го цитира Потер прес-службата на Вест Хем.

Потер е без работа од април 2023 година, откако доби отказ како менаџер на Челзи. Претходно ги водеше Брајтон, Свонси и Остерсунд. зс/

Фото: ЕПА