Поставена првата ветерна турбина во ветерпаркот Богословец
- Поставена е првата ветерна турбина во првиот приватен ветрен парк кај светниколското село Богословец. По една година од официјалниот старт на ветерниот парк веќе се гледа првата ветерна турби
![Поставена првата ветерна турбина во ветерпаркот Богословец](https://mia.mk/index.php/images/20221114005112_big_730x400_94.webp )
Свети Николе, 17 октомври 2022 (МИА) - Поставена е првата ветерна турбина во првиот приватен ветрен парк кај светниколското село Богословец. По една година од официјалниот старт на ветерниот парк веќе се гледа првата ветерна турбина, како и столбовите на останатите ветерници.
Граѓаните од Општините Свети Николе и Штип ја снимаат и фотографираат локацијата и ветерницата и ги споделуваат на социјалните мрежи.
Во источна Македонија ова е прв ветерен парк, инвестиција е во вредност од 61 милион евра. Во ветропаркот Богословец се предвидени осум турбини и моќност од 36 мегавати, кој ќе го удвои постојниот ветерен капаците во земјата и ќе придонесе кон намалување на CО2 емисите од над 87.000 тони годишно.
Во наредните 25 години ќе овозможи зелена енергија за околу 20.000 домаќинства во државата. вдј/цр
![thumbnail_20221017_112950](/articles/images/%d0%bf%d0%be%d1%81%d1%82%d0%b0%d0%b2%d0%b5%d0%bd%d0%b0-%d0%bf%d1%80%d0/FkSumqd61/placeholder.webp?use_watermark=0)