Портокалова фаза, температури над 40 степени и УВ индекс 10
- Многу топло време со високи температури ќе биде во следните десет дена поради што ќе биде активно портокалово ниво на опасност од високи температури. Утринските температури на повеќе места ќе бидат над 20, а дневните над 40 степени. Во некои делови се очекува максимална температура од 43 степени. УВ индексот ќе има многу висока вредност - 10.
![Портокалова фаза, температури над 40 степени и УВ индекс 10](https://mia.mk/index.php/images/20230717120407_big_730x400_25.webp )
Скопје, 17 јули 2023 (МИА) - Многу топло време со високи температури ќе биде во следните десет дена поради што ќе биде активно портокалово ниво на опасност од високи температури. Утринските температури на повеќе места ќе бидат над 20, а дневните над 40 степени. Во некои делови се очекува максимална температура од 43 степени. УВ индексот ќе има многу висока вредност - 10.
Како што соопшти УХМР, во скопското подрачје ќе се задржи многу топло време со минимална температура над 20, а максималната над 39 степени. УВ-индексот ќе има многу висока вредност - 10.
Времето утре ќе биде сончево и многу топло со мала до умерена локална облачност. Ќе дува умерен, а наместа долж Повардарието повремено засилен ветер од северен правец.
Во Скопје сончево и многу топло со умерен, повремено засилен ветер од северен правец. мд/цр
Фото: МИА