Поранешната светска првенка во сноуборд Помагалски загина во лавина
- Поранешната светска првенка во сноуборд, Французинката Џули Помагалски (40), го загуби живот во лавина на швајцарските Алпи
![Поранешната светска првенка во сноуборд Помагалски загина во лавина](https://mia.mk/index.php/images/20221106143233_big_730x400_73.webp )
Париз, 24 март 2021 (МИА) - Поранешната светска првенка во сноуборд, Французинката Џули Помагалски (40), го загуби живот во лавина на швајцарските Алпи.
Помагалски во 1999 година го освои златниот медал во сноуборд крос, а учествуваше и на зимските Олимписки игри во Солт Лејк Сити во 2002 и во Торино во 2006 година.
Француската Скијачка федерација соопшти денеска дека Помагалски загинала во вторникот, непрецизирајќи ја локацијата на несреќата.
Француските и швајцарските медиуми, пак, повикувајќи се на полициско соопштение, јавија дека несреќата во која загинале вкупно две лица, а едно е повредено, се случила на планината Гемшток, во швајцарскиот кантон Ури. ег/ми/