Скопје, 30 март 2025

Обезбедуваме финансиска поддршка за секој студент, без селективност.

Предложените измени на Законот за студентски оброк, кои уште во вторник ќе се најдат пред пратениците, предвидуваат субвенциониран студентски оброк да добијат и пост-дипломците, како и студентите на интегрирани студии на државните и приватните универзитети низ Македонија.

Ова е јасен индикатор дека студентите ни се приоритет. Дека поддршката за најмладите не е само декларативна, правиме значајни чекори напред кон подобар студентски стандард.

Почитувани,

Ова е само мал дел од нашите заложби за студентите, средношколците и младите во Македонија.

Годинава од државниот буџет издвојуваме дополнителни 30 милиони евра за младите. Дел од овие пари се за на оваа група граѓани да им помогнеме да купат електронски уреди. За оваа цел ќе бидат поделени ваучери од по 250 евра, за набавка на телефони, компјутери и таблети, без кои во денешно време, тешко е да си студент ако ги немаш.

Издвојуваме и 10 милиони евра за да ги поддржиме и младите со претприемнички дух. Лицата до 29 години ќе може да аплицираат за финансиска поддршка до 30.000 евра. Средства со кои младите ќе можат своите бизнис идеи да ги претворат во успешни бизнис приказни.

Со овие, но и многу други различни мерки и проекти, работиме заедно со младите, за да изградиме подобра иднина за секого.

Линк од видео материјал: 

https://www.youtube.com/watch?v=eIGaTzr_bM8

https://limewire.com/d/4oaas#FQ8U2JUtkL

Сергеј Попов, пратеник и претседател на УМС на ВМРО-ДПМНЕ

Центар за комуникации на ВМРО-ДПМНЕ

_____________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

Фото: ВМРО-ДПМНЕ