Вашингтон, 3 јануари 2020 (МИА) - Американскиот државен секретар Мајк Помпео и претседателот на ирачкиот Парламент Мохамед ал - Халбуси денеска се согласија дека е неопходно да се намалат тензиите во Ирак и регионот, по американскиот напад во кој е убиен најмоќниот ирански генерал Касим Сулејмани, соопшти Стејт департментот. - Помпео изрази благодарност до ал-Халбуси за трајното партнерство со САД, се наведува во соопштението и се додава дека соговорниците се согласиле за важноста за намалување на тензиите во Ирак и во регионот. паг/