Варшава, 22 јуни 2024 (МИА) - Полскиот министер за одбрана Владислав Кошњак-Камиш најави дека неговата земја ќе произведува тенкови „К2 Црн Пантер“ користејќи јужнокорејска опрема, јави полската државна новинска агенција.

Кошињак-Камиш рече дека Полска има за цел да биде сервисен центар за јужнокорејска опрема купена и за потребите на Полска и за други европски земји, како што е Романија. Тој напомена и дека тенковите К2 ќе се произведуваат во Полска и дека јужнокорејската земја се ангажира за што поскоро пренесување на технологијата.

Според полскиот министер, неговиот јужнокорејски колега Шин Вон-сик договорил со него „распоред на акција за спроведување на заеднички договори поврзани со набавките за полската армија - главно тенкови К2, самоодни хаубици К9, авиони ФА-50 и ракетни лансери „Чунму“.

Полска порача напредна воена опрема од Јужна Кореја, вклучувајќи ракетна артилерија Чунму, тенкови К2, самоодни хаубици К9 и борбени авиони ФА-50, како одговор на зголемените закани од Москва по руската инвазија на Украина. рп/

Фото: МИА архива