Скопје, 16 октомври 2022 (МИА) - Во периодот од 22.00 до 04.00 часот ноќеска, во рамки на засилената акциска контрола за санкционирање на возачи кои управуваат возила под дејство на алкохол на територијата на Република Северна Македонија, полицијата казни 124 возачи. Од нив, како што информираат од МВР, 28 се казнети на територија на СВР Битола, по 17 на територија на СВР Скопје и СВР Тетово... Од МВР најавуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи за заеднички придонес за побезбедни патишта. сст/дма/