Полицијата ги растера насилните учесници во протестот против францускиот предлог
- Припадниците на полицијата вечерва пред Собранието на Република Северна Македонија почнаа да приведуваат учесници во протестот против францускиот предлог откако дел од нив почнаа да фрлаат пе
![Полицијата ги растера насилните учесници во протестот против францускиот предлог](https://mia.mk/index.php/images/20221113173048_big_730x400_71.webp )
Скопје, 5 јули 2022 (МИА) - Припадниците на полицијата вечерва пред Собранието на Република Северна Македонија почнаа да приведуваат учесници во протестот против францускиот предлог откако дел од нив почнаа да фрлаат петарди, димни бомби и други предмети кон специјалците и ја урнаа оградата пред законодавниот дом.
Откако ескалираше однесувањето на дел од учесниците, полицијата во неколку наврати им се спротивстави и успеа да ги растера од пред Собранието и да ги потисне кон паркот Жена борец.
Според припадници на полицијата од терен за МИА, тројца припадници на МВР се повредени, а едно полициско возило е оштетено. Од МВР потврдија дека има повредени полицајци како и приведени лица, но сè уште не се знае точната бројка.
Вечерва е четврти ден од одржување на протестниот марш против францускиот предлог. Демонстрантите вообичаено се собраа пред Владата, па потоа преку Министерството за надворешни работи пристигнаа до Собранието. ар/цр
![](/articles/images/%d0%bf%d1%80%d0%b5%d0%b4-%d1%81%d0%be%d0%b1%d1%80%d0%b0%d0%bd%d0%b8%d0/S0mU6fkP6/placeholder.webp?use_watermark=0)
![](/articles/images/%d0%bf%d1%80%d0%b5%d0%b4-%d1%81%d0%be%d0%b1%d1%80%d0%b0%d0%bd%d0%b8%d0/2K9DbQFkC/placeholder.webp?use_watermark=0)