Москва, 20 септември 2023 (МИА) - Напад со беспилотно летало утрово предизвика пожар во складиште за гориво во јужниот руски крајбрежен град Сочи, според извештаите на медиумите.

Според рускиот онлајн портал за вести „База“, резервоар за дизел во близина на аеродромот во областа Адлер на Црното Море изгорел откако бил погоден од беспилотно летало камиказа.

Нема повредени, соопштија од регионалната управа. Пожарот, кој во еден момент се прошири на 100 квадратни метри, оттогаш е изгаснат.

Според владини извори, причините за експлозијата се уште се расчистуваат. мс/

фото: Принтскрин/Јутјуб