Пожарите во кумановско и липковско локализирани
- Пожарникарите од Куманово успеаја да ги локализираат и ликвидираат неколкуте пожари во кумановско и липковско, информираа денеска од ТППЕ Куманово.
![Пожарите во кумановско и липковско локализирани](https://mia.mk/index.php/images/20230720212341_big_730x400_22.webp )
Куманово, 20 јули 2023 (МИА) - Пожарникарите од Куманово успеаја да ги локализираат и ликвидираат неколкуте пожари во кумановско и липковско, информираа денеска од ТППЕ Куманово.
Три екипи на противпожарната единица со три возила и единаесет пожарникари интервенираа на потегот помеѓу кумановските села Агино, Брзак, Романовце и скопското Дељадровце. Други екипи вкупно две возила и петмина пожарникари гасеа пожар во атарот помеѓу липковско Лојане и кумановското Табановце.
- Во Агино, Брзак и Романовце, гореше стрниште сува трева, жито, во Агино село беше зафатена и кровна конструкција на викенд куќа. Поради претходно обилни дождови тревата е висока и го отежна гасењето, изјави заменик командир на ТППЕ Куманово, Борис Станковски.
Пожарот избувнал нешто по 14 часот а целосно е изгаснат во 21.
Во липковско Лојане и кумановско Табановце била зафатена сува трева, стрништа.
- Таму пожарот е изгаснат во 20: 30 часот, изјави Станковски. ам/ир
Фото: МИА (пожар село Брзак) и принтскрин социјални мрежи граѓани