Победа на конзервативците на парламентарните изборите во Литванија
- Литванската опозициска конзервативна Татковинска партија победи во првиот круг од парламентарните избори, освојувајќи 23 од вкупно 141 пратенички места
![Победа на конзервативците на парламентарните изборите во Литванија](https://mia.mk/index.php/images/20221104222030_big_730x400_73.webp )
Вилнус, 12 октомври 2020 (МИА) - Литванската опозициска конзервативна Татковинска партија победи во првиот круг од парламентарните избори, освојувајќи 23 од вкупно 141 пратенички места.
Партиите Фармери и Унија на зелените, кои се дел од актуелната владејачка колаиција, според освоените 16 мандати се на второ место со освоени 16 места, а голем број на партии не успеаја да го поминат изборниот цензус.
Двете либерални партии, Партија на слободата и Либерално движење освоија 14 места, работничката партија - девет, а Социјал-демократката партија –осум пратенички места.
Тројца кандидати во едночлените изборни единици прогласија победа во првиот круг од парламентарните избори, меѓу кои и поранешната министерка за финансии и една од лидерите на Татковинска партија, Ингрид Симоните. Таа е поранешна кандидатка на претседателските избори, а се очекува да биде и следната премиерка на Литванија.
Вториот круг од парламентарните избори е закажан на 25 октомври, а ќе сеодржи во изборните единици каде ниту еден кандидат не добил мнозинство. ми/