Скопје, 27 септември 2025 (МИА) – Осмото коло во Првата македонска фудбалска лига (ПМФЛ) стартуваше денеска со максимален ефект на домашните екипи, откако Арсими го совлада Шкупи со 4-2, додека Тиквеш триумфираше над Македонија ЃП со 2-1.

Арсими сега има осум бодови со кои се искачи на седмото место на табелата, додека Шкупи го претрпе и осмиот последователен пораз и остана на последното место без освоен бод.

Место подолу од Арсими со идентичен број бодови е Тиквеш, додека Македонија ЃП остана на шестото место со девет бодови.

Утре на програмата се дуелите меѓу Шкендија – Силекс и Работнички – АП Брера, а прволигашкото коло в понеделник ќе биде комплетирано со дуелите Башкими – Вардар и Струга – Пелистер.ег

ФОТО: ФФМ