Планинарскиот клуб Љуботен од Тетово одбележа 99 години постоење со тура до Лешница
- По повод 99 годишнината на планинарски Клуб „Љуботен“, се реализираше планинарска тура кон Лешница. Околу 100 учесници преку оваа планинарска тура го прославија роденденот на клубот.
![Планинарскиот клуб Љуботен од Тетово одбележа 99 години постоење со тура до Лешница](https://mia.mk/index.php/images/20240327210816_big_730x400_64.webp )
Тетово, 27 март 2024 (МИА) - По повод 99 годишнината на планинарски Клуб „Љуботен“, во неделата се реализираше планинарска тура кон Лешница. Околу 100 учесници преку оваа планинарска тура го прославија роденденот на клубот.
-Променливото време не ги тргна насмевките на лицата на сите кои учествуваа на вчерашната тура. Се движевме на релација с. Бозовце – Долна Лешница – с. Бозовце со посета на кадите на Кривошијска Река. П.К. „Љуботен“ им благодари на сите учесници на роденденска тура и им посакува уште многу заеднички дружења по сите планини во Македонија, информираа од ПК Љуботен.
Освен членовите на клубот и љубители на планината од Тетово, на турата беа и гости планинари од Скопје, Куманово, Крушево и членовите на планинарскиот клуб „Картуш“ од Прилеп.ас/са/
Фото: ПК Љуботен