Писториус: Услови за членство на Украина во НАТО дури по завршувањето на војната
- Германскиот министер за одбрана Борис Писториус денеска изјави дека предусловите за влез на Украина во НАТО може да се дефинираат само по завршувањето на војната.
![Писториус: Услови за членство на Украина во НАТО дури по завршувањето на војната](https://mia.mk/index.php/images/20230703194019_big_730x400_54.webp )
Берлин, 3 јули 2023 (МИА) - Германскиот министер за одбрана Борис Писториус денеска изјави дека предусловите за влез на Украина во НАТО може да се дефинираат само по завршувањето на војната.
„Најважно за Украина е да победи. Условите за завршување на агресорската војна, која е во спротивност со меѓународното право, можат да ги одредат само Украинците. Ќе ја поддржуваме Украина се додека е неопходно да се одбрани од бруталниот руски напад“, рече Писториус во интервју за полскиот весник „Речпосполита“.
На прашањето зошто Берлин е повнимателен во однос на членството на Украина од повеќето членки на НАТО, германскиот министер рече дека претставниците на Киев ќе добијат рамноправно место на претстојниот самит во Вилнус. паг/