Рим, 18 септември 2024 (МИА) - Италијанскиот фудбалски стручњак Стефано Пиоли кариерата може да ја продолжи во Саудиска Арабија, пишува новинарот Николо Шира.

Педесет и осумгодишниот Италијанец е подготвен да го води Ал-Наср. 

Според Шира, договорот на Пиоли со Ал-Наср ќе биде со важност до летото 2026 година со можност за продолжување на уште една сезона, платата ќе биде околу осум милиони евра.

Пиоли го напушти Милан на крајот на сезоната 2023/24. Росонерите ги предводеше од 2019 година. Под негово водство Милан ја освоија италијанската Серија А во сезоната 2021/22.

Ал-Наср остана без тренер откако вчера му беше доделен отказ на Луис Кастро поради слаби резултати. зс/

Фото: ЕПА