Пинто: Правила се правила, Џеко повеќе не е капитен
- Спортскиот директор на Рома, Тијаго Пинто, денес потврди дека напаѓачот на тимот, Един Џеко ја загубил капитенската лента.
![Пинто: Правила се правила, Џеко повеќе не е капитен](https://mia.mk/index.php/images/20221105195406_big_730x400_96.webp )
Рим, 3 февруари 2021 (МИА) - Спортскиот директор на Рома, Тијаго Пинто, денес потврди дека напаѓачот на тимот, Един Џеко ја загубил капитенската лента.
- Един е силен фудбалер, професионалец со многу искуство. Имавме неколку средби со него и со главниот тренер на тимот, Пауло Фонсека, со цел да изградиме доверба едни во други. Секој е среќен и смирен, сега можеме да работиме за да ги постигнеме заедничките цели. Правилата се правила, така што Един повеќе не е капитен на тимот, изјави Пинто за „Фудбал Италија“.
Претходно беше објавено дека 34-годишниот Џеко ќе ја напушти Рома по завршување на сезоната.
Оваа сезона, напаѓачот одигра 20 натпревари за тимот, постигна осум гола и забележа две асистенции. зс/