Мадрид, 13 јули 2025 (МИА)  - Најмалку едно лице е повредено, а едно е уапсено во југоисточниот шпански град Торе-Пачеко за време на жестоките судири меѓу екстремно десничарски групи, локални жители и мигранти од Северна Африка, откако непознати напаѓачи претходно неделава нападнаа постар маж.

Британските медиуми јавуваат дека во градот денеска е помирно, а владини извори најавија дека се очекуваат повеќе апсења.

Снимките објавени на социјалните мрежи покажуваат мажи кои носат симболи на екстремно десничарската елита и мигранти кои носат марокански знамиња како фрлаат предмети едни кон други за време на синоќешните судири, кои следеа по деновите на немири со помал интензитет.

Тензиите меѓу локалните жители и мигрантите се зголемија откако во средата на улица беше нападнат еден постар маж, при што се здоби со повреди од кои сега се опоравува дома.

Причините за нападот се нејасни и никој сè уште не е уапсен.

Претставничката на централната влада во областа, Мариола Гевара, изјави за шпанската телевизија дека нападот се истражува.

Таа, исто така, го осуди говорот на омраза и поттикнувањето на насилство и рече дека ќе бидат распоредени дополнителни членови на Цивилната гарда за да се спречи насилството.

Според податоците на локалната самоуправа, речиси една третина од населението на Тора-Пачек е од странско потекло.

Областа околу градот, што се наоѓа во регионот Мурсија, е дом и на голем број мигранти кои работат на земјоделските имоти, бидејќи земјоделството е еден од столбовите на регионалната економија.сд/

фото:Скртиншот ЈуТјуб