Скопје, 28 јануари 2026

И покрај фактот што поминаа десетина дена откога доктор Жан Митрев јавно кажа  за намерите на Венко Филипче да ја преземе Клиничката болница што тој ја води, молк од Филипче, но молк и од надлежните институции, како Јавното обвинителство, се вели во соопштението од ВМРО-ДПМНЕ, што МИА го пренесува интегрално.

Во Јавното обвинителство има повеќе од доволно информации врз чија основа може да поведе постапка.

Во оваа пригода ние овде пред Јавното обвинителство ќе повториме кратко за што станува збор.    

Очигледно е дека планот за преземањето на Клиничката болница од страна на Филипче заедно со другар му Зоран Заев и тогашен премиер било добро планирано.

Филипче и Заев ги применувале за нив добро познатите техники, како изнуда, притисоци, а ветувале и дека ќе влијаат во судската постапка во која страна е доктор Жан Митрев.

Планот евидентно дека не поминал, но и добро е што не поминал, бидејќи планот на Филипче вклучувал и еден вид приватизација на јавни пари или пари на граѓаните.

Како? На тој начин што Филипче ја зголемил сумата од ФЗО што се префрла на болницата, или сумата во 2020 година достигнала приближно 11 милиони евра, што е речиси двојно за разлика од сумата што е одвоена за болницата во 2015 година.

Многу едноставно Филипче ја зголемувал сумата што се префрла од ФЗО кон Клиничката болница, а сакал да ја преземе за багателна цена.

За тоа што Филипче не сака да одговори во јавност, му судат граѓаните на избори.

Но, Јавното обвинителство е должно да го испита секој случај во кој постои барем и мал сомнеж за криминал и корупција.  

Затоа денеска уште еднаш го повикуваме Јавното обвинителство да ги разгледа информациите и да потстапува.

Бране Петрушевски, пратеник на ВМРО-ДПМНЕ 

Центар за комуникации на ВМРО-ДПМНЕ