Песков: Одлуката на Србија да купи француски борбени авиони „Рафал“ е нејзин слободен избор
- Одлуката на Србија да купи француски борбени авиони „Рафал“ е слободен избор на Србија, изјави денеска во Москва, портпаролот на Кремљ, Дмитриј Песков.
![Песков: Одлуката на Србија да купи француски борбени авиони „Рафал“ е нејзин слободен избор](https://mia.mk/index.php/images/20240830155937_big_730x400_61.webp )
Москва, 30 август 2024 (МИА) - Одлуката на Србија да купи француски борбени авиони „Рафал“ е нејзин слободен избор, изјави денеска во Москва, портпаролот на Кремљ, Дмитриј Песков.
„Одлуката за купување на 12 француски ловци „Рафал“ е слободен избор на Србија. Тоа е избор на нашите српски пријатели. Секоја земја се води од економски и други анализи при донесувањето на таквите одлуки“, рече Песков.
За време на посетата на францускиот претседател Емануел Макрон на Србија, потпишан е договор за продажба на 12 нови повеќенаменски борбени авиони „Рафал“ на Србија за 2,7 милијарди евра. рп/
Фото: МИА архива