Велес, 7 април 2026 (МИА) - Во  градинката „Димче Мирчев“ во објектот шест кај Градското пазариште во Велес  денеска  беше отворена нова соба за сензорна интеграција, која е опремена со разновидни сензорни, светлечки и тактилни реквизити и помагала. Дополнително, Општинската јавна установа Детска градинка  "Димче Мирчев" е првата градинка во Македонија која располага со Voice Toys, кои претставуваат оригинална и иновативна платформа за сензомоторичка стимулација и развој на гласот, говорот и слухот, информира попладнево градоначалникот Марко Колев.

Тој информира дека новата сензорна соба ќе биде од особено значење за дефектолошка и логопедска пракса и специјални третмани за децата на кои им е потребна дополнителна поддршка.

Со оваа сензорна соба воедно беше одбележан и 7 април-  патрониот празник  на градинките во Велес.

ад/лв/

Фото Општина Велес