Основано Друштво на словенечки и македонски стопанственици
- Бизнисмени од Словенија и од Северна Македонија вчера основаа Друштво на словенечки и македонски стопанственици.
![Основано Друштво на словенечки и македонски стопанственици](https://mia.mk/index.php/images/20221113110507_big_730x400_48.webp )
Скопје, 14 април 2022 (МИА) - Бизнисмени од Словенија и од Северна Македонија вчера основаа Друштво на словенечки и македонски стопанственици.
За прв претседател на Управниот одбор е избран Војдан Јорданов, извршен директор на „Триглав Осигурување“, кој во оваа прилика потенцираше дека постои тренд на зголемување на инвестициите во двете земји и изрази задоволство што сѐ повеќе македонски компании веќе инвестираат во Словенија.
- Според мене, „здружениот збор железни врати отвора“ е појдовната мисла за ова друштво, изјави Јорданов.
Амбасадорот на Словенија во земјава, Милан Предан, на основањето на Клубот потенцираше дека ова е многу важен момент за стопанствениците од двете држави како и за Амбасадата, која последните години вложуваше многу напори, дa cе основа овој бизнис клуб што ќе овозможи многу предности за двете економии.
- Задоволен сум што стопанската размена меѓу двете држави се зголемува и достигна рекордно ниво од 375 милиони евра, што е за 50 милиони евра повеќе во однос на пред кризната 2019 година. Во следните две-три години, се надевам нашата стоковна размена ќе достигне половина милијарда евра. Исто така, Словенија инвестира во Македонија околу 400 милиони евра, што е сериозна бројка во однос на големината на двете економии, рече Предан.
Според него, Друштвото ќе претставува уште еден партнер за комуникација со државните институции во Северна Македонија и ќе ги штити интересите на сопствените членови.фф/лв/
![Основано друштво на словенечки и македонски стопанственици1](/articles/images/%d0%be%d1%81%d0%bd%d0%be%d0%b2%d0%b0%d0%bd%d0%be-%d0%b4%d1%80%d1%83%d1/VDF7LENqr/placeholder.webp?use_watermark=0)