Белград, 17 ноември 2023 (МИА) – Унгарскиот премиер Виктор Орбан денеска изјави дека иако договорот за слободна трговија на Србија со Кина би бил некомпатибилен со членството во ЕУ, Белград има право „да седи на две столици“.

На конференцијата на претседателите на парламентите на Југоисточна Европа во Будимпешта, Орбан рече дека постои група во Европската унија која го гледа проширувањето како проблем, пренесе Бета повикувајќи се на РТС.

Тој додаде дека за Унгарија проширувањето на Европската унија секогаш било можност и нешто што треба да се направи.

- Ако не го интегрираме овој регион на Југоисточна Европа, тоа ќе го сакаат другите. Откако не ја прифативме Србија, други се јавија, па сега имаат договори со Кина, рече унгарскиот премиер.

Тој додаде дека украинско-руската војна влијае на несигурноста на ЕУ за проширувањето.

- Ние Унгарците сме подготвени да платиме колку што е потребно за интеграцијата на Западен Балкан. Можете да сметате на нас за Југоисточниот регион да стане членка што е можно поскоро, рече Орбан. јт/

Фото: МИА архива