Њујорк, 7 октомври 2024 (МИА) - Светската метеоролошка организација (WMO) соопшти дека 2023 година била најсушна година за светските реки во последните 30 години, поради рекордно високите температури кои довеле до сушење на водните текови и продлабочување на сушите.

Во извештајот на WMO се посочува дека глечерите кои снабдуваат многу реки со вода претрпеле најголема загуба на маса во последните пет децении, предупредувајќи дека топењето на мразот може да ја загрози долгорочната безбедност на водата за милиони луѓе.

„Податоците покажуваат зголемување на екстремни временски настани како поплави и суши, што претставува сериозна закана за животите, екосистемите и економиите“, изјави генералниот секретар на WMO, Селест Сауло. ссм/

фото: пиксабеј